Ráð fyrir stressuð dýr yfir áramótin

Flest dýr týnast yfir hátíðirnar og eru týnd í lengri tíma, meðal annars vegna hræðslu við flugelda og myrkrið hjálpar ekki við leit. Nú fara flugeldar að fara upp í loftið og með þeim fylgja háir hvellir sem dýr geta hræðst. Í fyrra týndust 15 hundar á gamlársdag og ekki allir sem komust lifandi heim til sín. Maður veit aldrei hvenær slysin gerast, enda gera þau ekki boð á undan sér. Hugsum um velferð dýranna okkar og gerum ráðstafanir til að sporna við því að dýrin týnast.

Það sem hægt er að gera heima fyrir

Veitið dýrinu öruggt skjól – hvort sem það er undir rúmi, inni í búri eða í fangi á fólki, leyfið dýrinu að vera þar sem það leitar í skjól.
  • Stilla sjónvarp/útvarp á háan hljóðstyrk
  • Hafa alla glugga lokaða og læsa hurðum
  • Draga fyrir gluggatjöldin
  • Minna gesti, börn og aðra á heimilinu að loka hurðum svo dýrið komist ekki út
  • Ekki fara með hund út til að skjóta flugeldum
  • Ekki loka dýrin ein inni, verið róleg og sýnið stuðning, látið eins og ekkert sé
  • Undirbúið skemmtileg verkefni eins og t.d Kong til að dreifa huga dýrsins
  • Veitið dýrinu öruggt skjól – hvort sem það er undir rúmi, inni í búri eða í fangi á fólki, leyfið dýrinu að vera þar sem það leitar í skjól.

Róandi lyf og annað sem hægt er að gefa dýrinu

Munið að róandi lausnir sem fást í gæludýrabúðum eru nær ígildi vítamína, ilmkjarnaolía og annarra náttúrulegra lausna, það getur hjálpað dýrum sem eru óörugg og stressuð en ef dýrið er með ofsahræðslu leitið ráðlegginga hjá dýralækni.

  • Royal Canin Calm – róandi fóður fyrir hunda og ketti, fæst aðeins á dýraspítölum
  • Pet remedy – róandi ilmkjarnaolía (fæst hjá Dýrabær, dyrabaer.is)
  • Adaptil – róandi ferómón sem fæst aðeins hjá dýraspítölum
  • Feliway – róandi ferómón sem fæst aðeins á dýraspítölum
  • Thundershirt – vafningur/vesti sem hjálpar hundum og köttum að slaka á (fáanlegt mögulega hjá dýraspítalanum Grafarholti)
  • Canosept – róandi hálsól eða róandi sprey fyrir hunda (fæst hjá gaeludyr.is og voffaland.is)
  • Veti calm – streituminnkandi fyrir hunda (fæst hjá voffaland.is og lifland.is)  
  • No stress – róandi töflur fyrir hunda og ketti (fæst hjá keiko.is)
  • Stress olía frá Heiðaspor
  • Felisept – róandi lyktardreifari í innstungu, sprey eða róandi hálsól í boði (gaeludyr.is)
  • Hægt að fá róandi lyf frá dýralækni í samráði við dýralækninn. Flest lyf eru hætt að vera sljóvgandi eins og þau voru áður fyrr.

Það sem er gott að hafa í huga yfir hátíðirnar

Border Collie tíkin Skvetta með LED hálsól frá Dýrfinnu
  • Gott að hafa í huga að flest dýr týnast yfir hátíðirnar og þá mikilvægt að passa upp á gæludýrin, sérstaklega ef dýrið er í pössun og þekkir sig ekki í umhverfinu.
  • Gott er að eiga GPS tæki – t.d frá Tractive ef ske kynni að dýrið myndi týnast – passa að hafa það fullhlaðið
  • Eiga LED ól ef hundurinn týnist í myrkrinu (fæst t.d hjá voffaland.is og gaeludyr.is)
  • Ekki sleppa hundi lausum ef þú ert með hund í pössun undir neinum kringumstæðum yfir þennan tíma
  • Ekki sleppa hundi lausum út t.d að pissa nema hann sé á vel afgirtu svæði, annars er langlínutaumur góður kostur
  • Sama gildir um lausagöngu, hafa hundinn í langlínutaumi þar sem að ekki er hægt að sjá fyrir hvenær að flugeldar fara í loftið og hundarnir geta hræðst
  • Það segir ekkert til um hve mikið hundurinn er heimakær, allir hundar geta fengið hræðsluviðbrögð og stungið af og týnst

Ef dýr týnist

Ef dýr týnist yfir hátíðirnar er mikilvægt að auglýsa sem fyrst á netinu – hægt er að ná sambandi við Dýrfinnu í gegn um Facebook eða í síma 6123007.